Mikel Laboarentzako Tributua
Gaurkoa egun xelebrea izan da: ia denetik pasa zait!
Ikastolan azterketak etengabeak dira, bat amaitu eta hurrengo egunean besta bat, hori dela eta arratsalde osoa ikasten eta etxerako lanak egiten jardun naiz.
Horrelakoetan, etxera iritsi eta musika entzuten aritzen naiz, arima eta burua deskantsatzeko asmoarekin. Baina gaur abesti konkretu bat entzuten aritu naiz; ez behin, ez bi aldiz. Gehiagotan. Ia-ia aspertu arte.
Mikel Laboaren Lili bat entzun dut. Ez behin. Ez bi aldiz. Gehiagotan. Ia-ia aspertu arte.
Ez dakit zer duen abesti honek, baina zenbat eta gehiago entzun, orduan eta gehiago gustatzen zaidala. Behin eta berriz Laboak errepikatzen dituen hitz lazgarriak ote? Mikelen ahots ferekatzailea? Ez dakit, baina izugarri gustatzen zait.
Sosegua, barea, patxada…berreskuratzeko bidean jartzen nau.
Entzun behin. Bi aldiz. Gehiagotan. Ia-ia aspertu arte. Eta imajinatu lilia ez dela lili bat, lilia zu zeu zarela…
Bizitzak bera zurekin egiten duen gauza berdina egiten duela sentitzen duzulako.
Bizitzak, egunak igaro ahala zura arnasaldiak kentzen dizkizulako, zahartzen joaten zara. Hau da, liliaren hostoak kenduz eta airera bota. Era aire bolada baten barruan hegan joaten dira, bizitako sentsazio eta momentu eder guzti horiek bezala. Zure burmuinean gordeta geratzen diren berdinak. Lilia bera lurzoruan itsatsita geratzen den bezala.
Lilia zu zuek zara, edo zure oroitzapenak.
Lehenengo amodio horren fereka, muxua. Zeru urdin horren eguzki izpien borroka zure aurpegiaren kontra. Neguaren hotsa, begiak negar egiten duena.
Amaren besarkada. Aitaren aprobazioa. Anai-arreben arteko borrokaldiak, haiek bakarrik ulertzen dituztenak.
Bakarrik sentitu zinen egun hori, edo munduko pertsonarik zoriontsuena izan zinenean.
Momentu guzti horiek, haize bolada batean joago dira baina ez dira galduko, zuk gordetzen dituzulako, zure burmuinean, zure bihotzean.
Eta hain da polita abesti hau, hori guztia oroitarazten dizulako. Momentu bakar batean.
Horregatik, entzun behin. Bi aldiz. Gehiagotan. Ia-ia aspertu arte.la lili bat, lilia zu zeu zarela…

Abestia
Lili bat hartu
eta hostoz hosto erantzi
Eta harek zu ere amets
eta harek zu ere erantzi
Eta hostoz hosto hartu lili bat
eta hostoz hosto hartu lili bat
Eta harek zu ere amets
eta harek zu ere erantzi